عمل صنيه الرقاق باللحمه المفرومه بالصور

مكونات صنيه الرقاق باللحمه المفرومه

1. لفه رقاق
2. شوربه
3. سمنه او زيت

• نصف كيلو لحمه مفرومه
• سمنه
• بصله كبيره مفرومه
• ملح
• فلفل اسود
• رشه جوزة الطيب

خطوات عمل صنيه الرقاق باللحمه المفرومه

1. فى طاسه على النار هنحط شويه زيت او سمنه يسخنوا وبعدين ننزل عليهم بالبصله المفرومه
2. اول ما البصله تاخد لون دهبى فاتح هننزل باللحمه المفرومه ونشوحها مع البصله
3. نضيف الملح والفلفل على اللحمه المفرومه ونغطى عليها تستوى لمده ربع ساعه تقريبا
4. اول ما اللحمه تستوى نرفعها من على النار ونسيبها تهدا

1. نضع الشوربه على نار هادئه حتى تسخن
2. ناخد ورقه من الرقاق ونضعها فى الشوربه الساخنه لمده ثوانى
3. نرفع الرقاق من الشوربه الساخنه ونصفيها كويس جدا ونضعها فى صنيه مدهونه بالسمنه
4. ندهن طبقه الرقاق المبلوله بالشوربه بالسمنه عشان تبقى الطبقات مورقه
5. ناخد طبقه تانيه ونبلها فى الشوربه الساخنه لمده ثوانى ونرفعها ونحطها فوق الطبقه الاولى ون الرقاق وندهنا بردوا بالسمنه
6. نكرر العمليه لحد ما يصبح عندنا حوالى اربع طبقات من الرقاق
7. نضع فوق طبقات الرقاق اللحمه المفرومه المعصجه ونفردها كويس
8. نكرر طبقات الرقاق فوق اللحمه المفرومه بنفس الخطوات السابقه
9. ندهن وش صنيه الرقاق بالسمنه
10. ندخل الصنيه فرن ساخن ونتابعها لحد ما ارضيه الرقاق تستوى وتاخد لون دهبي جميل
11. نشغل بقا الشوايه عشان ندى للوش لون جميل
12. نخرج صنيه الرقاق من الفرن ونغطى عليها شويه عشان تكون طريقه من جوه ومقرمشه من بره وبالهناااااا