كيكه الروانى الخطيره بمقادير بسيطه جدا
مقادير كيكه الروانى
- 2 كوب دقيق
- 1 كوب جوزالهند
- 1 كوب سكر
- 1 كوب لبن
- 3/4 كوب زيت او سمن او زبده حسب المتاح
- 2 بيضه
- فانيلا
- معلقه كبيره بيكنج بودر
لعمل الشربات
- 2 كوب سكر
- 1 كوب ماء
- فانيلا
- عصره ليمونه
خطوات تحضير كيكه الروانى
- اول خطوه هنحضر الشربات بالطريقه العاديه خالص السكر مع المايه على النار واول ما يغلوا هننزل بعصره الليمونه ورشه الفانيلا
- هننخل الدقيق مع البيكنج بودر ونضيف لهم جوز الهند ونقلبهم كويس
- بالمضرب الكهربائى او الخلاط هنخلط السكر
مع الزبده او السمنه كويس وبعدين نضيف اليهم البيض والسكر واللبن والفانيلا
ونخلط كويس عشان يتجانسوا - هننزل بالخليط دا على مقدار الدقيق وجوز الهند ونقلبهم كويس جدا عشان نتاكد انهم تجانسوا تماما
- هنفرغ الخليط فى صنيه متوسطه مبطنه بمسحه زيت او سمن ورشه دقيق
- تدخل الصنيه فرن سابق التسخين على درجه حراره 180 لمده 40 دقيقه ومنفتحش الفرن عليها الا بعد مرور 30 دقيقه عشان متهبطش
- بعد مرور ال40 دقيقه هنخبر الكيكه بطرف السكينه عشان نتاكد انها استوت
- نخرج الكيكه من الفرن ونعمل بها شقوق بطرف السكينه ونسقيها بالشربات البارد ويرش عليها جوز هند وتترك لتبرد
- تقدم كيكه الروانى مع امكانيه تزينها بالكريم شانتيه المخفوقه
https://m.janatna.com
