نجوم
الكوميديا اللي بيضحكونا من قلوبنا حياتهم في الحقيقة مش كلها ضحك وسعادة
زي ماهو واضح لينا، بيقدروا يرسموا الضحكة على وشوش الجمهور لكنهم بيكتموا
الحزن والقهرة جواهم وعلى رأس الفنانيين دول النجم ” أحمد فرحات ” الطفل
المعجزة و فصيح السينما كل دي ألقاب ليه ، هنستعرض معاكوا تفاصيل عن حياته
وسبب حزنه وقهرته وكمان الخلاف اللي قدر يحله مع الفنان عبد الحليم حافظ.
تزوج
أحمد فرحات ثلاث مرات لكن قدر ربنا إنه مايرزقش بأطفال
وقال فرحات لزوجاته الثلاثة إنه مش بيخلف لكن زوجته الثالثة هى اللي كملت
معاه فترة 14 سنة .إتخرج من المعهد العالي الصناعي وكان متخصص في مجال
الإتصالات ومن بعدها حصل علي فرصة عمل في القصر الجمهور وفضل مسؤل عن
اتصالات الرؤساء لمدة ٣٠ سنة .وفي يوم من الأيام شافه مبارك في القصر
الجمهوري وقال لسكرتيره هما الموظفين جايبين عيالهم معاهم يصيّفوا؟”!
السكرتير أنّه مش طفل ده أحمد فرحات مهندس الاتصالات اللي بيشتغل في
الرئاسة وقتها مبارك إفتكره وقاله ” مش ده الواد بتاع طاقية الإخفاء…
هيقعد يمثل لنا بقى ويغيب ولا إيه؟! قاله لاء ده خلاص ساب التمثيل .
الفنان أحمد فرحات يحل مشكله كبيرة بين الفنان عبد الحليم حافظ ومخرج
فيلم ” معبودة الجماهير ” لإن عبد الحليم كان رافض يغني أغنية تانية في
الفيلم فقدر يقنعه فرحات إن الجمهور بيحب عبد الحليم المطرب أكتر من
الممثل ومن هنا وافق إنه يغني وإتحلت المشكلة .
الفنان أحمد فرحات بعد ما شارك في بطولة الفيلم المشهور “سر طاقية
الإخفاء” قدر يتميز في تقديم الدور علي أكمل وجه سنة 1959 رشحه المنتج
رمسيس نجيب وكان ثالث فيلم ليه وبسبب الفيلم ده ذاع صيته وعرفه الجمهور
وكان المبلغ اللي أخده عن دوره 60 جنية .
أول عمل ليه لما رشحه المخرج صلاح أبو سيف علشان يقوم بدور الطفل اليتيم
في فيلم “مجرم في اجازة” وكان أول أجر أخده هو 10 جنية في حين إنه
كان نفس راتب والده الشهري .
كان
محظوظ من صغره لإنه قدر يشتغل مع عمالقة الفن، على رأسهم الفنان الكبير
عبد الحليم حافظ فى فيلم “معبودة الجماهير”، وكمان الفنان عمر الشريف فى
فيلم “إشاعة حب” والفنان عبد المنعم إبراهيم فى “سر طاقية الإخفاء”
والفنانة زبيدة ثروت فى “شمس لا تغيب”. وغيرهم من كِبار النجوم.
https://m.janatna.com